|
Spelemannsfesten i Hyen 2004
"Labakkalaget" frå Luster med fleire frå gruppa "Elles" var tredje ensemblet på scena. Dei spela feiande dansemusikk som femna om det meste frå "Reinlender etter Sjur Hesjevoll" til den svenske valsen "Hälgdagskvälld i timberkoian. Dt var verkeleg så det rykte i dansefoten. . .
Så var det duka for kveldens store høgdepunkt for mange. Parhestane og trubadurane Roger Allan Ivin og Odd-Erik Lothe frå den velkjende gruppa "Fabel" entra scena i Gymsalen i Hyen som så mange underhaldnings-kjendisar har gjort før dei. Og dei trollbatt publikum i tre kvarter med song og musikk av verkeleg høg profesjonell klasse. Odd-Erik song mange av dei kjende og populære balladane til "Fabel". Vi nemner i fleng: "Jordbær og grasbrann", "November", "På tide", "Fem", "Kjæleik og luft" og "Mann i måne". Roger Allan framførte m.a. ein poplåt på engelsk; "Stand by Me" der han akkompagnerte seg sjølv med eminent basspel. Publikum kvitterte med trampeklapp og krav om ekstranummer, og dei fyrige og opplagde artistane smelte til med Johnny Cash-låten "Get a River" til slutt.
Dei tre spelemannslaga byttest om å spele til dans langt utover kvelden, og publikum dansa og kosa seg i godt selskap. Vel blåst Hyen Spelemsnnslag og Hyen Ungdomslag. Takk for ein utruleg fin fest! |
