Spelemannsfesten 2002 framhald
Trekløveret med felespelaren Svein Hjellbakk og kvedarane Elin Grytting og Judith Vestreim trollbatt publikum med vakre slåttar, viser og stubbar som "Bruremars frå Telemark", "Svarterabben" og den lokale "Ro, ro ut på Vikja" av Ida Vonhein frå Hyen. Praktfullt!
Eid Spelemannslag er populært i Hyen og har ein utruleg god driv og snert som gjer musikken god å høyre på og ikkje minst danse etter. Det kan ha med det relativt sterke innslaget av trekkspel og komp å gjere, utan at vi skal gje oss ut på noko slags fagleg vurdering av musikken.
Hyen Spelemannslag framstod i "sterk" utgåve denne gongen og hadde greidd å samle dei fleste av både "gamle" og nyare aktørar. Dei fekk verkeleg dreis på både "Gimmestadvalsen" og "Klunken".
Etter programmet vart salen rydda til dans. Dei to spelemannslaga og Big Hand Light byttest om å spele, og dansen gjekk livleg så dei små timane vart ryre.
-mheim-