Brødrene Aa leverer båt igjen, passasjerbåten Rygerfjord
Natt til 16. mai gjekk ein ny katamaran frå Brødrene Aa AS i Hyen med kurs for Stavanger. Kontraktsverdien er på 20 millioner kroner. Dette er den ellevte båten i rekkja som Rødne & Sønner har henta frå det suksessrike båtbyggeriet i Hyen. Og det er ei videreføring av konseptet Rygerkatt som vart levert i mai i fjor. Halvannan meter lenger, og med eit noko høgare motorvolum for å oppnå betre fart. Det er dei vitale forskjelane, noko som inneber ein passasjerkapasitet på 96 og ein marsjfart på 30 knop.
|
|
Her ser vi litt av det imponerande instrumentpanelet i
styrehuset på Rygerfjord som den nye katamaranen heiter.
Forøvrig er båten bygt på same måten som Rygerkatt og ambulansebåten Rygerdoktoren i karbonsandwich, der ein med vakuuminjisering oppnår 40% lågare vekt på struktur. Ikkje ueffent med tanke på driftsøkonomi og redusert forurensing. Det er den tredje kommersielle passasjerbåten som er bygt etter dette prinsippet her i Norge. Alle i regi av Rødne. |
| Biletet viser litt av salongen i den nye passasjerbåten
Rygerfjord.
Katamaranen vil bli sett inn i rute for Clipperskyss og som sightseeingbåt i Lysefjorden og Ryfylke forøvrig. Nok eit kjærkome innslag for turistar og andre heidersfolk med utferdstrang, med andre ord. Og eit aldri så lite signal om at ein av norges ledande transportørar med mindre snøgtgåande båtar framleis er å finne i Stavanger. |
|
Tekst: Magnar Heimset Foto: Ole Matias Aa
Den forrige katamaranen Rygerkatt vart levert i mai i fjor.