Aktivitetar på skyteban sesongen 2003 >>>

Nytt frå hyen Skyttarlag >>>

Årsmelding Hyen Skyttarlag 2001.

Leiar: Peder Holme
Nestleiar: Oddvin Holme
Kasserar: Anders Aa
Styremedlem: Jakob Os
Styremedlem: Eilev Otto Rønnekleiv
Varamedlem: Rune Tonheim

Revisorar: Magne Osmundnes og Jakob Rønnekleiv

Sponsoransvarleg: Magne Osmundnes

Miniatyrgruppa: Oddvin Holme

Kontakt for Ungdomsutvalet: Ole Arild Aa

Medlemer til representantskapet til Hyen Samfunnshus L/L:
Oddvin Holme - vara Nils Ommedal
Jakob Rønnekleiv - vara Anton Aa
Peder Holme - vara Rune Tonheim

Styret har hatt 3 stytemøte. I tillegg har styremedlemane hatt kontakt etter skyteøvingar og på telefon.

Peder Holme var utsending til ombudsmøte 1. desember på Nordfjord Hotell Nordfjordeid .
Anders Aa var til stades som medlem i samlagsstyret.

Anders Aa styremedlem i samlaget
Magne Osmundnes medlem i ungdomsutvalet.
Peder Holme samlagsinstruktør.

Innandørsskyting:

Hyen Skyttarlag har treningsskyting med luftgevær i Samfunnshuset kvar fredag frå jan.til mai.
Fleire rekrutteringsskyttarar er innom, men ingen er med og skyt på bana.

Også i miniatyr har Ole Arild Aa oppnådd beste resultata. Bestenoteringa var 247p. Han vart nr. 2 på samlagsstemnet. Peder Holme vann kl. V55 på Samlagsstemnet og Dag Tore Mjellem klasse junior.

Banesesongen: Det er treningskveldar på bana for rekrutt og junior tysdagskveldane frå kl. 19.00, og for kl.1 - 5 onsdagskveldane. Hyen Jeger og Fiskarlag har hatt treningsskyting på bana kvar torsdag juni og ut august. Heimevernet brukar bana til merkeskyting.

Hyen Skyttarlag har hatt ein god sesong år 2001.

Skyttarar frå Hyen har delteke på 35 banestemne i og utanfor samlaget. I tillegg kjem Cupskytingar og pokalkampar. Hyen vann og pokalkampen mellom Hyen, Haugen og Nordbygda. Det var og med 3 firemanslag i Nordfjordcupen . Fyrstelaget til Hyen vann Nordfjordcupen. På laget var Anders Aa, Bertel Oddne Mjellem, Nils Holme og Ole Arild Aa.

Resultat: Også i år har vi fått ny lagsrekord . Nils Holme skaut gode 349p.i Gaular.
Seriane var : 50 - 50 - 50 =150 - 99 - 100 =349p. Han vart samlagsmeister med 346p.og nr. 3. på Landsdelskretsstemnet 344p. Han har og vore med på vinnarlaget i cupskytingane og lagskytingane.

Ole Arild Aa har vore den mest stabile skyttaren med mange gode reslutat med 347p. som bestenotering. Han vann if-cupen suverent med oppnådde resultat 342 + 98 = 440p. Toyota Cupen Kl. 2 - 5 vart han nr. 2. med 342p. Han har vore med på vinnarlaga i cup- og lagskytingane.Han var og med på laget til Nordfjord Skyttarsamlag både på Landsdelskretsstemnet og Landsskyttarstemnet. Han fekk 4.stjerna på Landsskyttarstemnet 338p.

Bertel Oddne Mjellem har og hatt ein jamn og god sesong. Han var stemnevinnar både i Stroka og Oppedal med bestereslutat på 344p. Han har vore med på vinnarlaga i Cup skytingane og lagskytingane.

Klasse V55: Peder Holme har vunne mange stemnesigrar med gode resultat. Han vann Landsdelskretsstemnet og Samlagsstemnet og på Landsskyttarstemnet vart han nr. 5 og fekk medalje.Vann og finalen i Toyota Cup med 338p.

Junioren Dag Tore Mjellem vart nr. 2 med 341 i finale i Toyota Cup.

3.klassingen Andreas Røyrvik har sett ny pers i år med 240 - 338p.

Frå v: Bertel Odne Mjellem, Anders Aa, Nils Holme, Ole Arild Aa. Foto: Ove Sveen, Fjordingen.

Hyen Skyttarlag dominerte sterkt under samlagstemnet i Stryn 18. og 19. august.
I meisterskapen på 200m. vart det tredobbelt til Hyen. Nr.1 Nils Holme 346p. nr.2 Bertel Oddne Mjellem 343p. nr. 3 Ole Arild Aa 342p.
Vidare vann Hyen samlagskytinga på 200m.: Anders 96p.-Bertel 94p.- Nils 97p. og Ole 96p. tilsaman 383p.
Hyen vann og klassepokalen på 200m. Laget var Alf Erik Røyrvik, Andreas Røyrvik og Peder Holme. Poengsummen vart 713p. med snitt på ca.238p.
Vidare vann Dag Tore Mjellem juniorklassa med 343p. og han fekk og bestemannspremien på 100m.
Alf Erik Røyrvik vann kl. 3 med 337p.
Peder Holme vann kl. V55 med 338p.

Landsskyttarstemnet 2001:

Landsskyttarstemnet var i Bodø 27.07 - 04.08. Frå Hyen Skyttarlag deltok 10 skyttarar.
Det var litt ferre enn det har vore i det siste, men det var nok fleire som grudde for den lange turen. Det var ikkje det fine veret arrangørane hadde håpa på. Dei tykte synd i dei tilreisande, og skyttarane følte med arrangørane.
Noko av det ein hugsar best frå LS 2001 er innføringa av elektroniske skiver.
Anvisarspakane vart bytte ut med elektroniske tavler med reslutat på baksia av standplassen. Dette er svært publikumsvenleg . Ein får då sjå kvart enkelt skot på seriane.
Resultatmessig for hyarane var det middels , men det dårlege veret sette ein dempar på det sosiale samvert med grilling om kveldane.

Hyestemnet 16-17.06 med 105 deltakarar, heradstemne, 3cupskytingar, lagsmeisterskap og jaktsti for jaktgevær med 35 deltakarar. Jaktprøve for storviltjakt med ca. 100 jegerar.
12 seniorskyttarar har teke dugleiksmerke.
Av klasseføre skyttarar har Hyen Skyttarlag 4 i klasse 5, 3 i klasse 4, 3 i klasse 3, 5 i klasse 2, 1 i klasse V55, 1 i klasse junior og 148 trettifemskot skyttarar. Skyttarlaget gjev gratis skot til innendørstreninga og gratis skot til dei som er med på cuplaga og andre lagskytingar. I år 2001var beløpet ca.5.200 kr.

HyenSkyttarlag har sendt søknad on tippemidlar til rehabelitering av skytebana. Vi har fått byggeløyve og har planert tomten til skytehuset og standplassen no i haust.

Kulturmidlar                              kr. 2500,-
Sparebanken Sogn og Fjordane  "  1000,-
                                                 kr. 3500,-

Peder Holme
 -leiar-