Hjort 2003, lokal styring av felles ressursar

Landets største hjorteseminar vart i år lagt til Fjordane Folkehøgskule på Nordfjordeid i samband med Vestnorsk Villmarksmesse 29. og 30. mars. Seminaret var eit samarbeid mellom Norsk Hjortesenter, Fylkesmannen i Sogn og Fjordane, Sogn og Fjordane Skogeigarlag og ditto Bondelag. Temaet var Hjort 2003 - Lokal styring av felles ressurs, målgruppe aktørar og interesserte innan lokal og regional hjorteforvaltning med hovudvekt på jaktrettshavarar. Det var påmeldt 113 deltakarar frå Sogn og Fjordane og Sunnmøre.

Frå venstre: Foredragshaldarane Vebjørn Veiberg, Kåre Nes, Svein Knutsen, Brigt Samdal, Arve Aarhus og Erling Meisingset. Jon Jordanger og Odd Rønningen var ikkje til sades ved fotograferinga.    Foto: Magnar Heimset

Seminaret tok utgangspunkt i den føregåande omlegginga der hjorteforvaltninga skal vere basert på bestands- og driftspanar innan år 2006. Her skal jaktrettshavarane stå for den praktiske forvaltninga innanfor dei mål og råmer som det offentlege set.
Skal ei slik overføring av ansvar lukkast, må dei nye avgjerdstakarane skaffe seg naudsynt kunnskap.

Foredragshaldarar frå ulike ståstadar var engasjert for å gjere seminaret fagleg lærerikt og nyttig:

Jon Jordanger, viltforvaltar Fylkesmannen i Sogn og Fjordane; "Vegen hit - og vidare?".
Odd Rønningen, miljøvernleiar Stryn; "Kommunane si framtidige rolle i hjorteforvaltninga".
Svein Knutsen, konsulent Norges Skogeierforbund; "Samarbeid - nøkkelen til suksess".
Vebjørn Veiberg, avdelingsleiar Norsk Hjortesenter; "Rettshavarar og jegerar - drivkrefter og bremser", og dag to; "Styrt forvaltning utan kunnskap - ein bløff?".
Brigt Samdal, viltforvaltningsansvarleg Norsk Hortesenter; "Bestandsplanar i gode og vonde dagar", og dag to; "Status, mål og tiltak - bestandsforvaltningas treeining".
Arve Aarhus, prosjektleiar Sogn og Fj. Skogeigarlag/Bondelag; "Driftsplanar og næringssatsing".
Kåre Nes, Mundheim jaktoppleving BA; "Døme på vellukka næringsutvikling knytt til hjortejakt".
Erling Meisingset, dagleg leiar Ressurssenteret i Tingvoll; "Jaktas rolle som bestandsformar".

Kursopplegget var godt eigna til å få tanken og målsetjinga om planbasert hjorteforvaltning inn under huda på aktuelle aktørar både lokalt og regionalt og å gje dei kunnskap om - og lyst til å ta fatt på opgåvene og ansvaret dei er tiltenkt. At seminaret var lagt i tilknytning til Vestnorsk Villmarksmesse med høve til messebesøk innimellom, var og med på å skape den rette stemninga og motivasjonen mellom deltakarane.

-mheim-