i Hyen 20. - 24. juli 2005

Det vart strålande ver og full klaff for Friluftshelga i år. Talet 13 synte seg å vere eit lykketal sidan publikumstilstrøyminga på den 13. Friluftshelga slo alle rekordar. Særleg myldra det av folk i Sentrum laurdag, men også på dei andre arenaane var det mykje folk som storkosa seg i det fine veret.

Kyrkjekonsert  I Sentrum  Triatlon  Flakedans  Friluftsleiren  Villmarksleiren  Kunst

Omlag 40 var med på turen frå Hope til Gjegnabu torsdag. Her ein pust i bakken eit stykke ovanfor Lavesteinen.

Tur til Gjegnabu
Det var god deltaking på den store fjellturen frå Hope om Lavesteinen til Gjegnabu torsdag. Veret var bra med delvis sol og passeleg temperatur til ein kom skikkeleg opp på høgfjellet. Der låg skodda tjukk som graut med sur nordavind og skoddeyr. Turdeltakarane vart såleis snytt for den flotte utsikta kring Gjegnabu, men var blide og fornøgde likevel.

Dei ti som låg over på Gjegnabu til fredag, fekk betre ver. Berre øvst kring Gjegnen låg det framleis skodde.

Vidare til Gjegnen
Fjerdeparten av turdeltakarane overnatta på Gjegnabu og gjekk vidare over Gjegnalundsbreen til Gjegnen dagen etter. Då var det mindre skodde og meir sol nesten heilt til toppen, og dei fekk ein triveleg tur.

Her blir det mål for Hyen etter eit glimrande frispark av Roger K. Nordal frå 25 m.

Fotballkamp
Det tradisjonelle lokaloppgjeret i fotball mellom Hyen og STIL vart ein tett og jamn kamp. Dei føregåande åra har Sandane-laget vunne suverent, men denne gongen vart resultatet uavgjort 2-2. Hyen-patriotar meinte til og med at heimelaget kunne ha vunne kampen fortent. At laget var forsterka med ein midtbanespelar som lyer namnet Ole Andre Aa (vanlegvis STIL-spelar) kan nok ha hatt ein viss effekt.

Både spelarar og publikum kosa seg i finveret under heile den artige sandvolleyballturneringa i Vikja.

Sandvoleyball
Sandvolleyballturneringa på bana i Vikja vart som vanleg både underhaldande og spennande. Gjengen til Jon Egil Gjengedal har herja vilt og nådelaust, og har vore utilnermelege i alle turneringane til no. Men denne gongen vart dei detronisert og kom ikkje til finalen. Dei "evige" toarane, "Eggelaget", vart og knust og gjort ommelett av denne gongen. Derimot kom "Rasmusklanen" (60-åringen Rasmus Ommedal & (sviger)søner) til finalen og gav vinnarane, "Sollaget", kamp heilt til døra.

Desse fem karane let seg ikkje stoppe på vegen mot toppen av volleyballtrona. Dei kalla seg "Sollaget" utan at nokon heilt skjøna kvifor. Her jublar frå v.: Rune Ommedal, Ole Andre, Øystein og Olav Marius Aa og Vegard Åstebøl Larssen.

Friluftshelgavisa 2005 vart trykt og lagt som innstikk i Firda Tidend fredag 08. juli. Vi har lagt dei åtte sidene ut som pdf-filer under linkane nedanfor. Vi gjer merksam på at side 1, 4, 5, og 8 er tunge å laste ned (over 1 MB kvar). Du må dessutan ha programmet Adobe Reader innstallert på maskina di. Det kan du laste ned gratis ved å klikke på Adobe-logoen under.

Førstesida Velkomen til Hyen  s 2 Aktivitetsplan  s 3 Mellom ulvar  s 4 Friluftsleiren

s 5 Aktivitetar i Sentrum  s 6 Annonser  s 7 Annonser  Sistesida sport-tur-flakedans

Friluftshelga i 2004 >     2003 >     2002 >    2001 >     2000 >