|
Friluftsmessa søndagen i det veleigna og koselege "amfiet" på Hopsstøylstunet samla som vanleg mykje folk. Mellom tre og fire hundre deltok i gudstenesta. Når kyrkjetenaren ringde med klokka i starten, tok det til å yre og regne. Det vart berre våtare etter kvart, men messa vart greitt avvikla. Etterpå serverte hopsarane kjempegod rømegraut med tilbehør, og det smaka fortreffeleg sjølv om enkelte frykta for at det kunne bli vassgraut av det . . . Regnet la nok ein dempar særleg på kaffikosen og på fotturen til Skilbreia og Fullskjegga etterpå. |
