i Hyen 2012 er avlyst

FRILUFTSHELGA 2012

På ekstraordinært årsmøte torsdag 27. oktober vart det bestemt at Friluftshelga tek eit års pause. Dette er for å lade batteria og fordi stemninga i bygda har vore litt delt. Friluftshelga er eit stort arrangement, og vi treng at bygda står samla om dette. Derfor trur vi at det er viktig å ta eit års pause der vi kan hauste erfaringar frå dette og vere klar til å arrangere på nytt i 2013. Dette er ikkje ei fast ordning så vi seier ikkje at det etter dette vert arrangert anna kvert år.

Friluftshelga er viktig med tanke på at alle lag og organisasjonar i Hyen står samla om denne, og vi er med på å vise fram bygda vår på ein god måte. Ho er med på å skape liv og røre  her, og vi samarbeider på tvers av alder og kva ein brenne for. At det er med på å skape eit godt samhald i Hyen er eg ikkje i tvil om. At det denne helga er mange som kjem heim er veldig kjekt og utan tvil positivt. Det er òg mange frå distriktet rundt som kjem til Hyen denne helga og det er veldig bra. Vi ber dykk å ha tolmod med oss for vi kjem sterkt tilbake. Friluftshelga er ein god måte å vise at bygda vår er ein bra plass å bu.

På vegne av styret i friluftshelga vil eg nytte høvet til å takke alle som har teke eit tak for Friluftshelga 2011, det var eit vellukka arrangement trass det djupt tragiske som skjedde den 22. juli. Til slutt vil eg oppfordre dykk til å ta kontakt med  styret i Friluftshelga om de har synspunkt, idear eller andre ting som kan gjer arrangementet vårt betre.

For styret i Friluftshelga
Margrethe Beate Mjellem

Friluftshelgavisa 2011 kan lastast ned som pdf-fil: Friluftshelgavisa 2011
Avisa har heile 16 sider med komplett program på side 2 og elles mykje godt stoff i tekst og bilde.