Fotoreportasje nasjonalt stemne 14.07.02

Det tradisjonsrike nasjonale stemnet i friidrett gjekk av stabelen under gode tilhøve på Hyen stadion søndag 14. juli. Deltakinga var bra, og det vart oppnådd fleire svært gode resultat. Særleg var 400 meteren til Even Rønnekleiv og Jon R. Hauge imponerande.

Det var uråd å skilje mellom Even Rønnekleiv MJ og Jon R. Hauge MS GFIL på målstreken etter 400 m.løpet. Det mannsterke tidtakar- og måldommarkorpset måtte berre konstatere at dette var dødt løp. Begge fekk den imponerande sterke tida 52.3.

Mange kastarar deltek på dette stemnet. Jørgen M. Holme MV70 GFIL fekk opp 10,29m i kule, og Aage Indrebø MV40 GFIL kasta diskosen respektable 39.38 m.

Eli Johanne Mjellem og Mari Heimsæter J15/16 HIL i diskosringen. Mari kasta lengst, heile 29,92 m.

Også i lengde var det god deltaking. Her flyg Gatis Eglite G15/16 Fjellhug/Vereide IL 5,35 m.

Til venstre: Roger'n MJ var som venta suveren på 3000 m nesten minuttet føre bror Morten MS.
Til høgre: Dagfinn Nyhammer MV50 GFIL slit seg inn til sterke 63.2 på 400 m.

-mheim-