Fin 7.plass til Fjellhug/Vereide-Hyen skilag

Det vart ein flott 7.plass til Fjellhug/Vereide-Hyen i herrestafetten i NM i Meråker søndag 21. januar 2007. Odd-Bjørn gjekk ein kanonbra 1.etappe og veksla først. Roger følgde opp med ein solid skøyteetappe og kunne sende 16-åringen Trygve Henden Gaasø ut på sisteetappen med vel eit halvminutts leiing.

Sidan Fjellhug/Vereide - Hyen skilag ikkje stilte lag i fjor, fekk laget startnummer 70 og stod langt bak i feltet då startskotet gjekk. Odd-Bjørn Hjelmeset opna forrykande og parkerte både Anders Aukland og Frode Estil i den siste kneika før veklsing. Veteranen sendte Roger Aa Djupvik ut på andreetappe med seks sekunds leiing.

Roger følgde opp
Roger Aa djupvik gjekk ein solid 2.etappe og auka leiinga til vel halvminuttet. Dei fleste var naturlegvis klar over at dette langt frå var nok før sisteetappen.

Sekstenårige Trygve Henden Gaasø imponerte stort på NM-stafetten i Meråker søndag.  (Biletet er frå Hyen IL sitt jubileumsrenn i Å-støylsmarka i fjor)

Trygve imponerte Men sekstenåringen Trygve Henden Gaasø imponerte verkeleg stort som ankermann på Fjellhug/Vereide-Hyen sitt stafettlag. Han gjekk ut med vel eit halvminutts leiing på eit kobbel av verdas beste skiløparar, og dei brukte mest halve den 10 km lange skøyteetappen på å ta han igjen. Friskusen frå Gloppen heiv seg like godt inn bak trioen Kristian Horntvedt, Tore Ruud Hofstad og Petter Northug, og han hekk på som ein klegg til vel midtvegs ut i andrerunden før han måtte sleppe. Ein kommande toppløpar Mot slutten av etappen måtte han strekkje våpen for tre løparar til, og kom inn til ein imponerande 7.plass. Denne karen får vi sjå meir til i skiløypene i åra framover. Gloppen har fostra enno eit skitalent som kan kome til å hevde seg i verdstoppen om få år. Midt i laget Gaular vart nest beste lag frå Sogn og Fjordane med 43. plass, medan Jølster enda på 53. plass av dei 82 startande laga.