Hyen Investering AS

har ledige tomtar i nytt bustadfelt i Hyen

Endeleg kan det no skaffast byggjeklare tomtar i Hyen sentrum, nærare bestemt på Straumsholmen. Fire tomtar er no klare for utbygging, og dei er svært rimelege. Hyen Utviklingslag har lenge arbeidd med å få kommunen til å regulere og skaffe grunn til formålet. Det har drege ut med å få formalitetane på plass. Hyen Investering AS kjøpte arealet av kommunen for eit par år sidan og sette i gong med vegbygging, sprenging av den store steinen bak Lunden og klargjering av feltet. Det er lagt straum, telefon, vatn og kloakk fram til tomtegrensene.

Fleire unge familiar har sagt seg interesserte i å etablere seg i feltet. To av interessentane har sett i gong bygging andre stader i bygda. Det er såleis enno høve for dei som går med byggjeplanar å få seg tomt. Desse flotte utsiktstomtane bør vere attraktive. Dei ligg nydeleg til med fabelaktig utsikt, nær barnehage og skule, idrettsplass og gymsal, gåavstand til bank og butikk, kyrkje og samfunnshus. 

Hyen Investering har sett ein pris på kvar tomt, utrekna etter dei utgifter ein har hatt til kjøp av grunn og opparbeiding av feltet. Alt etter kva tomt det gjeld, vert denne på kr. 100.000 – 135.000. I tillegg kjem tilknytningsavgift til Hyen vassverk, kostnad med oppmåling av tomtane og tinglysingsgebyr.

Dei som tykkjer at dette høyrest spennande og interessant ut, eller ynskjer å få meir informasjon, kan ta kontakt med Hyen Investering AS v/ Erik Hope, 6829 Hyen. Tlf. 57 86 98 36.

Tomt nr.1, 2 og 3 ligg nord for nyevegen, mellom Lunden og vegen opp på Staumsholmen.
Den kjempestore konglomeratsteinen låg i venstre biletkant omlag midt på tomt nr. 3.

Nyvald leiar i Hyen Investeing AS, Erik Hope, er godt nøgd med utsikta mot sør frå tomt nr. 4.

-mheim-