Eit
stort steg vidare mot full breibanddekning!
Høykom
løyver 8 mill kr til breiband for 37 bygdelag over heile fylket
For meir informasjon, kontakt ein av kontaktpersonane:
IT-forum i Sogn og Fjordane held fram fellessatsinga for å skaffe breiband til bygdelag i fylket. Prosjektet Breibandløftet Sogn og Fjordane har i dag fått 8.2 millionar kroner i tilskott frå Høykom-programmet til utbygging av breiband til 37 bygdelag over heile fylket. Totalbudsjettet for prosjektet er på 20.5 mill kroner. Prosjektet er planlagt som eit spleiselag mellom 17 av kommunane i fylket, fylkeskommunen, næringslivet og Staten. ”No er midlane frå kommunane, fylket og Staten på plass og vi har tillit til at næringslivet, gjennom kompensasjonsordninga for bortfall av differensiert arbeidsgjevaravgift (DAA-fondet), vert med å finn ei løysing for fullfinansiering av prosjektet”, seier Alfred Vorland, leiar av breibandforum Sogn og Fjordane. Prosjektet dekker utbygging av fullverdig breiband til alle dei bygdelaga som ikkje har slik dekning i fylket dag. Prosjektet blir koordinert av Breibandforum, eit nettverk under IT-forum. Sogn og Fjordane fylkeskommune er prosjektansvarleg og det er Vestlandsforsking som har prosjektleiinga. Satsinga vil også bli
presentert og drøfta på den store it-konferansen i Loen i neste veke
der fornyingsministeren også deltek. Kontaktpersonar
Vedlegg
|