Hyarar på Birkebeinarrennet 2003
Hyarar på veg til "Birken". Frå venstre: Kåre
Solhaug, Matias Hope, Eilev Otto Rønnekleiv, Magnar Heimset, Erling Gjengedal,
Martin J. Ommedal, Jan Harald Pedersen, Erik Hope, Erik Ommedal, Tor Øyvin Aa, Harald
Ommedal og Anton Aa. Oddvin Kleppenes, Vidar Rygg, Martin Mettenes og Brita Hope
slutta seg til laget seinare. Foto: Eirik Grane, klipt frå avisa Firda
Heile 16 løparar frå Hyen Idrettslag melde seg på til "Birken" i år, og samtlege stilte til start og fullførte det 54 km lange turrennet frå Rena til Lillehammer laurdag 22. mars. Fem greidde merket (Martin, Oddvin, dei to Erik-ane og debutanten Anton), og det er statistisk omlag same prosentdel som i rennet totalt. Omlag 1/3 brukar å greie merket.
Veret var strålande med delvis sol og relativt vindstille bortsett frå litt sjenerande motvind i dei dryge stakepartia før nedkøyringane mot Birkebeinarstadion ved Lillehammer. Men føret var svært varierande og vanskeleg å smørje på. Sume satsa på hovudsakleg klister og fekk trå ski i første halvdel av løpet, medan dei som gambla på mest voks fekk håplaust bakglatte ski på den solverka snøen opp mot Midtfjellet og mot slutten av løypa.
Vi var ikkje heilt nøgde med arrangementet i år. Over 10.000 startande er tydelegvis meir enn dei ansvarlege kan takle. Trafikk-kork opp til Rena gjorde at mange hundre kom for seint til start, og dei siste startpuljene måtte utsetjast ein halv time. Dette førde m.a. til meir solverka snø, stor løypeslitasje og smørjeproblem.
Det var elles uvanleg lange køar frå start og langt utover i løpet. To av hyarane fekk knekt stavar og måtte gå milevis utan å treffe på annonserte servicestasjonar der dei kunne få nye.
Gjengen samla til middag på hotellet kvelden før rennet. Det gjeld å samle
energi. Foto: Magnar Heimset
Vi legg ved resultatliste over dei hyarane som er komne opp i den offisielle lista på nettet. Det vil alltid vere resultat som manglar i starten, men lista vert oppdatert etter kvart (sjå link nederst på sida).
| Plass | Navn | Klubb | Startnr. | M1 | M2 | M3 | Tid | Ant. merker | Ant. deltatt |
| Klasse: K20, (Kvinner 20 - 24 år) | Makstid: 4:23:31 | ||||||||
| 62 | Hope, Brita | Hyen IL | 680 | 0.52.31 | 2.32.31 | 3.46.31 | 4.35.49 | 0 | 1 |
| Klasse: M35, (Menn 35 - 39 år) | Makstid: 3:56:15 | ||||||||
| 49 | Ommedal, Erik | Hyen IL | 7243 | 0.39.10 | 1.51.15 | 2.49.55 | 3.30.26 | 3 | 3 |
| 447 | Gjengedal, Erling | Hyen IL | 7400 | 0.49.43 | 2.18.31 | 3.30.25 | 4.18.01 | 0 | 6 |
| 763 | Pedersen, Jan Harald | Hyen IL | 7900 | 0.58.41 | 2.42.03 | 4.09.57 | 5.05.47 | 0 | 2 |
| 806 | Rønnekleiv, Eilev Otto | Hyen IL | 8175 | 0.57.50 | 2.50.14 | 4.23.04 | 5.13.48 | 0 | 3 |
| 890 | Solhaug, Kåre | Hyen IL | 7693 | 0.54.19 | 2.47.45 | 4.30.12 | 5.30.14 | 0 | 1 |
| 993 | Mettenes, Martin Per | Hyen IL | 8098 | 1.06.44 | 3.06.57 | 4.52.45 | 5.58.05 | 0 | 11 |
| Klasse: M40, (Menn 40 - 44 år) | Makstid: 3:51:42 | ||||||||
| 658 | Ommedal, Harald | Hyen IL | 6684 | 0.53.28 | 2.32.00 | 3.53.55 | 4.42.34 | 0 | 4 |
| Klasse: M45, (Menn 45 - 49 år) | Makstid: 3:57:21 | ||||||||
| 463 | Aa, Tor Øyvin | Hyen IL | 4915 | 0.51.17 | 2.20.27 | 3.32.51 | 4.21.09 | 0 | 2 |
| Klasse: M50, (Menn 50 - 54 år) | Makstid: 3:58:36 | ||||||||
| 157 | Hope, Erik | Hyen IL | 3401 | 0.45.28 | 2.06.31 | 3.07.08 | 3.48.07 | 3 | 3 |
| Klasse: M55, (Menn 55 - 59 år) | Makstid: 4:10:36 | ||||||||
| 196 | Kleppenes, Oddvin | Hyen IL | 2494 | 0.47.30 | 2.11.50 | 3.15.15 | 3.57.49 | 3 | 4 |
| 226 | Aa, Anton | Hyen IL | 3009 | 0.49.33 | 2.14.21 | 3.19.35 | 4.01.03 | 1 | 1 |
| 361 | Hope, Matias | Hyen IL | 2801 | 0.52.01 | 2.23.04 | 3.35.11 | 4.21.22 | 0 | 4 |
| 408 | Heimset, Magnar | Hyen IL | 2784 | 0.56.31 | 2.31.02 | 3.46.48 | 4.32.48 | 0 | 3 |
| Klasse: M70, (Menn 70 - 74 år) | Makstid: 4:57:43 | ||||||||
| 42 | Ommedal, Martin J | Hyen IL | 2050 | 0.54.14 | 2.30.01 | 3.44.54 | 4.35.55 | 3 | 4 |
Resultatliste: http://www.birkebeiner.no
-mheim-