Kvinneleg leiar etter 100 år

Etter at ein har hatt mannleg leiar i Hyen Idrettslag i heile laget si 100-årige soge, har det no vorte ei endring på dette. Mangeårig nestleiar i laget, Judit Aa (56), tok over som leiar etter Matias Hope på årsmøtet fredag den 12. januar 2006.

Judit Aa er den første kvinnelege leiaren i Hyen Idrettslag. Ho tek over etter Matias Hope som takkar av etter fem år samanhengande i leiarstolen. Her får han velfortente blomstrar som takk for god innsats.

Fredag 12.januar vart det avvikla årsmøte i Hyen Idrettslag i Samfunnshuset i Hyen. Laget, som markerte 100-årsjubileum 1.april i fjor, har hatt eit aktivt år. Det kjem tydeleg fram av den fyldige årsmeldinga, og økonomien i laget er også tilfredstillande. Laget har hatt ein auke i medlemstalet i 2006, og 340 personar er no medlemer i idrettslaget. 26 av desse var frammøtte på årsmøtet.

Etter at ein har hatt mannleg leiar i laget i 100 år, har det no vorte ei endring på dette. Judit Aa tek over som leiar etter Matias Hope.

Arbeidsutvalet har slik samansetjing for 2007:

v   Judit Aa            -leiar  (ny)

v      Jan Arve Heimsæter      -nestleiar  (ny)

v      Tor Øyvin Aa     -sekretær

v      Eldar Rønnekleiv           -kasserar

v      Torill S.Holme   -styremedlem

v      Anne Kristin Rønnekleiv             -idrettsskulen

Nye leiarar i gruppene vart:

Ø       Aldersbestemte klasser i friidrettsgruppa: Solfrid Utheim Rygg

Ø       Skigruppa: Martin Eimhjellen

Ø       Fotballgruppa: Øyvind Magnus Solheim

Det nye arbeidsutvalet i HIL.  Frå v.: Tor Øyvin Aa - sekretær, Jan Arve Heimsæter - nestleiar, Judit Aa - leiar, Eldar Rønnekleiv - kasserar, Torill Holme - utvalsmedlem og Anne Kristin Rønnekleiv - idrettsskulen.

 Årsmøte i Hyen IL i fjor