Møtet vart halde på samfunnshuset med 30 frammøtte:

1. Opning.

2. Val av møteleiar, sekretær og to til å skrive under møteboka.

3. Godkjenning av årsmelding frå arbeidsutvalet og gruppene.

4. Godkjenning av rekneskap for 2002.

5. Budsjett for 2003.

6. Drøfte medlemskontingenten.

7. Saker: a) Anlegg – orientering/drøfting .

b) Dekking av reiseutgifter – orientering drøfting.

8. Val.

9. Kaffipause når det høver.

1. Leiaren Matias Hope ynskte alle velkomne til møtet. Han informerte om den generelle aktiviteten i laget i 2002. Aktiviteten har vore stor både i dei forskjellige gruppene og med omsyn til anleggsaktivitet. På anleggssida nemnde han at enkeltpersonar hadde lagt ned over 300 dugnadstimar i 2002. Det var og brukt betydelige pengebeløp på anleggssida i 2002.

3. Leiaren gikk gjennom årsmeldinga frå arbeidsutvalet. Det hadde vore god aktivitet i dei fleste gruppene i tillegg stor anleggsaktivitet i laget. Av nye aktivitetar siste året nemnde han ski i skulen som ein svært vellukka aktivitet, som ein prøver å gjenta i 2003. På anleggssida var skianlegget i Gjengedalen eit stort anlegg der Erling Gjengedal hadde utført ein omfattande dugnadsinnsats. Formann nemnde og mange flåtte resultat både på ski og i friidrett til fleire av utøvarane. Økonomien i laget er god. Dei store intektene frå idrettsbasaren i tillegg til gode sponsorinntekter sikrar ein god økonomi i laget.

Arnulf Aa gikk igjennom årsmeldinga frå friidrettsgruppa. Han kunne vise til stor aktivitet og mange gode resultat. Bronsemedalje til Roger Aa Djupvik på 3000 m hinder, i NM for Junior, var det beste resultatet på nasjonalt nivå. Elles hadde Even Rønnekleiv mange gode resultat og vart største poengscoraren i GFIL. Kristine Gjengedal oppnådde over 1000 poeng for sitt kuleresultat på 11.04. Ho deltok og på G-sportleikane på Lillehammer og fekk 2. plass i kule. Roger Aa Djupvik sette lagsrekord på 3000m hinder med 9.30.07 mens Kai Arne Aa sette lagsrekord i Høgde med 1.86 m. Arnulf påpeikte elles viktigheita av at utøvarar som driv med fotball og kunne delta i friidrett.

Tor Larsen informerte om aktiviteten i fotballgruppa. Laget hadde hatt 4 lag i serien som alle hadde hevda seg godt. Jentelaget hadde for fyrste gong delteke i Norway Cup og det vart ein stor oppleving for jentene. Han uttrykte takk til Maria Ommedal og Brita Hope som hadde lagt ned ein stor innsats for laget i samband med arrangementet. Årsmøtet applauderte for jentene. Det same vart gjort for Olav Hjorteset som hadde stilt gratis hus til disposisjon. Herrelaget hadde ein målrik sesong og enda på 02. plass i serien.

Martin Ommedal informerte om skigruppa sin aktivitet. Resultata var oppført i årsmeldinga, men av det ein huskar best frå årets sesong var Roger Aa Djupvik sin kamp mot Frode Estil på NM i stafett. Han nemnde og Benedikte sin 6. plass i hovudlandsrennet som eit flått resultat. Det har og vore god deltaking på idrettsskulen sine arrangement på karusellrenna.

Kirsti Meyer Hope fortalde om fleire fine turar som trimgruppa hadde arranggert. Dårleg ver gjorde enkelte av turane "våte", men det hadde vore god oppslutnad. Kirsti gjorde elles eit poeng av at det hadde vore 17 damer og 15 menn som tok idrettsmerke i 2002.

Erling Gjengedal informerte om god aktivitet i idrettsskulen. På onsdagane var dei opptil 30 ungar som deltok på aktivitetane.

Leiaranee i dei forskjellige gruppene viste elles til dei skriftlege årsmeldingane.

Det var ingen merknader til årsmeldingane som vart godkjende av årsmøtet.

4. Rekneskap

Eldar Rønnekleiv gikk igjennom rekneskapet for 2002 og forslag til budsjett for 2003.

5. Budsjett.

Både rekneskapet og budsjettet vart godkjent utan kommentarar frå årsmøtet.

6. medlemskontingent

Det vart drøfting om kontingenten som vart vedteken u-endra.

7. a) Anlegg – orientering/drøfting.

Leiaren orienterte om dei forskjellige anlegga som laget var involvert i og korleis dei var prioritert.

Leikebakken på høgdene er nå kalkulert til ca kr 160.000,-

Nærmiljøanlegget i Gjengedalen er kalkulert til kr 80.000,-

Traseen i lysløypa er påkosta ca kr 40.000,-

Dersom ein får tilskotet som ein har søkt om vil kostnadane for laget bli svært små både for leikebakken og nærmiljøanlegget i Gjengedalen. For utbetringane av traseen i lysløype var det et tiltak som måtte utførast og som laget ikkje får tilskotsmidlar til.

For idrettsplassen har som regel kommunen dekka kostnadane slik dei er presenterte.

Arbeidet med nærmiljøanlegget på åsen i Straumsholmen er inntil vidare lagt på is.

Formann bad årsmøtet om å uttale seg om prioriteringane som var gjorde og om økonomisk fridom til å gjennomføre dei føreslegne planane..

Årsmøtet gav uttrykk for stor tilfredsheit med arbeidet som var utført og arbeidsutvalet fekk fullmakt til å arbeide vidare etter planane slik dei var framlagt. Årsmøtet applauderte det utførte arbeidet.

Martin Ommedal informerte om tiltaka som var gjort i lysløypetraseen. Han beklaga at kostnadane hadde vorte større enn dei hadde tenkt i utgangspunktet, men at skyting i fjell fort kostar pengar.

Nils Magne Gjengedal trakte fram dugnadsinnsatsen til Erling Gjengedal for lysløypa.

b) Reiseutgifter orientering /drøfting.

Reiseutgifter er ein post som gradvis har vakse og leiaren informerte om den praksis som er følgt.

Det er eit stort problem å få rekningar inn i tide frå dei forskjellige gruppene. Leiaren oppfordra grupper og aktive til å bli flinkare med å komme med rekningar i tide. Dagens praksis er for dårleg.

Årsmøtet hadde ingen kommentarar til den praksis som blir nytta for dekking av reiseutgifter, men Torbjørn Holme gav uttrykk for at det var viktig at gruppene vart behandla likt.

Ymse.

Martin Ommedal takka arbeidsutvalet som foreslo han som kandidat til utmerkinga som han mottok frå skikrinsen. Han sette stor pris på tildelinga.

100-årsjubileum. Leiaren informerte om at ein no nærmar seg nytt jubileum og det var nødvendig å planlegge eit jubileumsskriv. Han bad årsmøtet komme med forslag til korleis ein kunne markere 100-årsjubileet på ein god måte. Martin Ommedal mente det var viktig at arbeidsutvalet begynt å arbeide med saka. Jørgen Holme spurte om det var aktuelt for laget å bruke pengar på eit jubileumsskriv. Leiaren mente det var nødvendig. Det vart ikkje næmt nokon sum.

8. Val.

Erik Hope viste til arbeidet i valnemda. Formann leda valet.

Med omsyn til resultatet frå valet viser ein til eiga liste.

Blomsterutdelingar:

Leiaren takka Erling Gjengedal for den store innsatsen han hadde nedlagt i samband med lysløypa i Gjengedalen. Med 315 timar i dugnadsinnsats har ein bygt opp ei løype som vil få stor verdi for bygda og heile dalen. Erling fekk og blomster for innsatsen han hadde lagt ned i sambande med idrettsskulen.

Leiaren takka for arbeidet som den enkelte hadde gjort for laget og takka for samarbeidet i 2002.

Sekretær

Tor Øyvin Aa

Aslaug Ommedal      Torbjørn Holme
- sign -                     - sign -