Aktivitetskalender

Invitasjon til Solheimsløp og Nesholmen køpp

Vi inviterer herved bygdefolket til Solheimsløp og Nesholmen køpp 

Solheimsløpet onsdag 13.07.11 kl. 19:00

Denne veka står verkeleg i idrottens teikn når vi no skipar til Solheimsløp for andre gong. Løypa går frå postkassene ved garasjen til Martin Holme og opp til Solheimsstøylen. Det utgjer ca. 350 høgdemeter og ein spring støylsvegen heile tida. På støylen vert det bålbrenning, sal av pølser og brus. Inntektene av dette salet går til bygdelaget på Solheim. Av ulike årsaker vart løpet lagt til ein vekedag, men vi vonar likvel at flest muleg kan stille opp på dette kjekke løpet og i samværet etter løpet.
Vil spesielt oppfordre jentene til å delta i år, då det kun var ei jente i dame klassa som stilte opp i fjor.
Løpet er eit samarbeid mellom bygdelaget på Solheim og friidrettsgruppa i Hyen idrettslag.
 Ved eventuelle spørsmål om løpet kan ein henvende seg til Frank Holme, tlf. 992 94 906 eller Anders Klungre, tlf. 900 86 480.

Nesholmen køpp laurdag 16.07.11 kl. 11:00

Nesholmen køpp vert arrangert for sjette gong i år. Tidlegare vinnara er Røyrvik, Ommedal, Heimseta og dei lokale heltane Solheimsgutane som har vunne heile to gonger. Rekorden er sju lag, men vanlegvis deltek seks lag. Vil difor oppmode folk om å stille opp som deltakarar eller publikum. Sverre vert dommar under Neholmen køppen. Påmelding kan gjerast via hending på fjesboka eller ved å kontakte Frank Holme, tlf.  992 94 906 eller Anders Klungre tlf. 900 86 480.
Det vert servering av mat i kiosken og vi vonar på sol og gode badetemperaturar.

Vel møtt

Friluftshelga 2011 vert i veke 29 18.-24. juli


Salutstillinga på Columbus er makelaus i variasjon, kvalitet og pris.

Vi satsar altså på friluftshelg også i 2011. Set av veke 29 (og særleg helga, nest siste helga i juli)
til nokre hyggjelege dagar i Hyen. Denne gongen vert hovudfokus på Austredalen i tillegg til Hyen sentrum. Vi reknar med å ha salsutstilling på Columbus i 2009 og. Det har vore svært vellukka, og vi håpar at alle som har vore med før, vil vere med og stille ut denne gongen og.

Og vi har plass til fleire. Kjenner du nokon som veit om nokon som kan ha lyst til å vere med, så ta kontakt med Judit Aa på telefon 57 86 98 55. Så er det berre å setje i gong og produsere varer.