Året 2002 har nok ikkje vore av dei mest aktive åra i utviklingslaget si historie. Vi har ikkje hatt nokon store byggjeprosjekt som viser att i kvardagen. Men det har likevel vore aktivitet i laget, vi har hatt 10 styremøte og årsmøte. Ole Matias Aa og Erik Utheim var på Sandane i møte med ordføraren og dei andre utviklingslaga i kommunen.

Sidan vi ikkje klarte å få til avis i 2001, ønskte vi å få til Hyen Nytt ganske tidleg på året. Det var naturleg å prøve å få til avisa til påske. Då har fleire tid til å lese det som kjem i posten. Det å lage Hyen Nytt er mykje arbeid, og ein ting er sikkert. Utan hjelp frå andre hadde ikkje vi i utviklingslaget fått dette til. Vi vil med dette takke alle som hjelpte til med avisa. Vi har fått mange gode tilbake- meldinger på avisa og mange har betalt bladpengar. Ny avis 2003?

Bygdeutviklingsprogrammet 1999 - 2001 som Hyen var med i, har vore til evaluering ved Høgskulen i Sogn og Fjordane v/Øyvind Glosvik. Han har skreve ein rapport om programmet, der bygdeutviklingsarbeidet fekk svært god omtale. Landbruksavdelinga hjå fylkesmannen vil difor føre vidare arbeidet og har utarbeidd ein ny prosjektplan for 2002 - 2005 der bygder som har vore med tidlegare og kunne søkje.

Hyen utviklingslag bestemte seg for å sende ein søknad der vi skreiv litt om bygda og kva vi ville bruke tid og midlar til. Søknaden vart nok funnen for lett. I alle fall så var det Bryggja Utviklingslag og Holmedal Vel som vart plukka ut.

Orgelet som har stått i gymbygget har lenge vore i dårleg forfatning. Då det ikkje svarte seg å reparere det, vart det bestemt at ein skulle kjøpe nytt orgel. Dei aller fleste lag og organisasjonar i bygda gjekk saman i eit spleiselag og fekk inn kring 50.000 kroner. Hyen utviklingslag bidrog med 3.000 kroner.

Fylkesmannen i Sogn og Fjordane gjennomførte i 2000 eit forprosjekt kalla naturbruksprosjektet. Der såg ein på tilhøvet mellom vern og næringsutvikling i randsonene til verneområdet. Prosjektet avdekka store skilnadar mellom korleis ulike bygde utnyttar verneområde i næringsmessing samanheng.

Då det var på trappene med eit landskapsvernområde i Gjengedalsmarka, vart Hyen invitert til å vere med på dette prosjektet. Her vil Hyen få tilbod om å vere med i utviklingsprosessar med mål å styrke grunnlaget for næringsutvikling basert på dei naturlege føresetnader som ligg i dei utvalde områda.

10. -11. september var det avspark i naturbruksprosjektet i Jostedalen. Erik Utheim, Solfrid Utheim Rygg og Ole Arild Aa deltok der. Første dagen vart brukt til åpning av prosjektet ved Fylkesmannen, presentasjon og planar frå prosjektleiarane og fleire andre støttespelarar. Andre dagen var vi på brevandring på Nigardsbreen. Det var sol, stilt og varmt så det var ei fin oppleving. Avslutninga var lagt til Breheimssenteret med ein kort presentasjon og filmframsyning.

Ei av øvingane gjekk ut på å trene på å bryte tradisjonelle tenkebaner, slik at ein ikkje vert fastbunden. Ei anna øving gjek ut på å skilje mellom ein god ide og ein forretnigside. Vi vart utfordra til å komme fram med så mange idear som mogeleg, for så å finne pluss og minus-faktorar på dei ulike ideane.

Naturbruksprosjektet har løyvd kr. 10.000,- til Hyen Utvilingslag som skal nyttast til å gå vidare med prosessen i Hyen.

Friluftshelga 2002.

Friluftshelga var vellukka i år og. Sjølv om veret ikkje viste seg ifrå si beste side, var her godt med deltakarar og besøkjande på stort sett alle arangementa. Det var kome med litt nye aktivitetar i år. Både vannskiaktiviteten og sykkelturen Hyen rundt, samt fjelturen i Fjellråsa har gjort at her er eit tillbod til dei litt yngre og sprekare besøkjande. Det at Friluftshelga består og at den greier å fornye seg litt, synest Utviklingslaget er viktig for bygda. Og sjølv om vi ikkje er det laget som tek mest ansvar for sjølve avviklinga, vil vi arbeide for at det vert Friluftshelg også i åra frammover.

Hyen si eiga heimeside har etter kvart vorte innhaldsrik og god , og vi har ei kjensle av at ho vert godt motteken brukt av mange. Den store utfordringa er å halde hemesida oppdatert med godt stoff frå bygda til ei kvar tid. Her gjer Magnar Heimset ein stor jobb som vi i utviklingslaget takkar for. Men vi vil utfordre lag og organisasjonar i bygda til å bli meir aktive med å få lagt inn stoff på heimesida.

Styret 2002 har vore slik samansett: