Årsmelding Hyen Ungdomslag 2002

Styret har vore :

Leiar:             Jon Martin Rønnekleiv
Nestleiar:       Odd Helge Mjellem Tonheim
Kasserar:       Elin Karin Hope
Skrivar:          Lillian Holme
Styremedlem: Marit Straume

Vara:              2. Magni Aa

Aktivitetar og Arrangement 2002

Årsmøtet 01.02.02

Vi kan ikkje skryte av at det var mange som deltok på møtet, men vi vel å tru det var fordi det kolliderte med jubileet til Røde kors. Ikkje at folk trur vi held keisame møter, for det gjer vi så absolutt ikkje.

17. Mai


 Det gror godt i Spelemannslaget no. Her spelar ein pen bukett framtidshåp m.a. "Fagert er landet".

17. Mai som vi er så gla i, i arbeid vi har frå morgon til kveld. Vi byrja dagen med kafédrift i samfunnshuset. Som leiande i Hyen på lyd, var det vi som ordna lyden i Lunden. På kvelden arrangerte vi i samarbeid med Skulekorpset bygdekveld. Programmet var variert, og det var spesielt kjekt at skuleelevane deltok så mykje som dei gjorde. Kvelden vart avslutta med dans der Hyen Spelemannslag spela.

Friluftshelga

Torsdagskvelden hadde vi dugnad der vi snudde sanden i sandvolleyballbana og slo graset rundt ho. Deretter gjekk turen til Høgdene der vi laga bål og ti nye benkar. Det vart seint på kveld før vi vart ferdige, men det såg ikkje ut til at nokon tok skade av det.

Sandvolleyballturneringa var eit vellukka arrangement. Det kunne sjå ut som om det hadde ryktast heilt inn på Sandane, at folk som ikkje fekk med seg 2001 turneringa, hadde gått glipp av noko stort her i "vesle" Hyen.


 Flakedans på Fullskjegga til musikk av Hyen Spelemannslag. Alle foto: Magnar Heimset

På Høgdene var alt lagt til rette for at vi skulle få ein framifrå kveld, med fint vær og god stemning. Våre trufaste spelemenn og kvinner i spelemannslaget spelte til dans, og lydteknikken i bua stod for pausemusikk, og tok over når spelemannslaget pakka i hop. Matsalet gikk godt på begge tilstellingane takka vere gode kokkar og servitørar.

Spelemannsfesten

31. august var vi klar igjen med eit storarrangement. I samarbeid med Hyen Spelemannslag fekk vi tak i aktørar som Ottar Big Hand Johansen, Eid Spelemannslag, Elin Grytting, Judit Vesterheim, Svein Hjellbakk og Hyen Spelemannslag. Dei fekk folk i god stemning, og det var berre "vellåte" å høyra.

Ole Johannes Øvretveit

Seint ein søndags kveld fekk eg telefon frå Ole Johannes, som hadde lyst til å opptre i Hyen. Vi i styret kunne ikkje seie nei til eit slikt tilbod. Så laurdag 23. november braka det laust, men kvar var tilskodarane? Jo dei sat heime og ikkje hadde lese plakatane, som heng overalt. Dei få heldige som hadde møtt opp fekk vere med på ein uforgløymeleg kveld med mykje humor.

Romjulsfesten


 Eitt av dei friskare innslaga var eit dansenummer av frodige (og modige) "ballera-ar" som verkelg greidde å setje publikum i den rette stemninga. Frå venstre: Odd Helge, Jon og Bertel Oddne.

Dette er absolutt den festen vi har hatt minst kontroll med, endå det er storsatsinga til ungdomslaget, siste sketsj var ferdig skriven to timar før sceneteppet gikk opp. Vi vil takke alle medhjelparane for at festen vart vellukka. Handelans Trio spelte til dans.

Diskotek

Vi har hatt 2 diskotek i år. Det kunne godt ha vore fleire, men etterspørselen har vore liten.

Utførte oppgåver

Lydannlegget i Gymsalen

Det har vore mykje fram og tilbake for å få dette på plass, litt innkøyringsvanskar har det òg vore. Men no er det oppe og går.

Beising av danseflaken

I år greidde vi endeleg å somla oss til denne beisinga. Med god hjelp fekk vi på eit strøk. No gjenstår berre utedoen.

Juletre

Ungdomslaget fekk ei gran av Dag Bakketun, som vi fekk flytta ved hjelp av Rasmus Gjengedal, Eilev Otto Rønnekleiv og Rønnekleiv Mini Gravar til plenen nedan for Gymbygget. No gjenstår det å sjå om den trivast der. Takk for hjelpa!

Ungdomslaget takkar alle som har vore med å gjort det muleg for laget å ha ein god aktivitet. Det er veldig kjekt å sjå at det er mange som stiller på når vi har dugnad.

Styret